E fshehur në një fabrikë të braktisur në Ukrainën perëndimore, Akademia Kill House është një shkollë Top Gun për epokën e luftës me dronë. E pajisur me një kurs pengesash me unaza dhe korniza dritaresh për të praktikuar fluturimin e dronëve, ajo ka trajnuar disa nga pilotët më të mirë të vendit me mjete ajrore pa pilot. Ndër rekrutët më premtues të kohëve të fundit ishte një pilot me emrin e luftës Aguila 7, Shqiponja 7, një ish-ushtar i forcave speciale nga Meksika, i regjistruar në Legjionin Ndërkombëtar të Ukrainës. Por, ndërsa ai shkëlqeu në kurs, dukej se kishte armiq të tjerë përveç ushtarëve rusë në shënjestër. Eagle 7 ishte në fakt një ushtar në kartelin e frikshëm të drogës Los Zetas të Meksikës dhe ishte dërguar atje për të mësuar drejtimin e dronëve për t’i përdorur më pas ata në luftërat e drogës në vendlindje, sipas raportimeve. Prania e tij, së bashku me atë të disa anëtarëve të tjerë të dyshuar të bandës, u bë e ditur pasi zyrtarët e inteligjencës meksikane njoftuan homologët e tyre ukrainas në korrik. Ata e paralajmëruan Kievin se anëtarët e kartelit po infiltronin persona në Ukrainë për të mësuar se si të drektonin dronët që vec të tjerave u u japin pilotëve një pamje nga lart të objektivit. Dronët kanë rezultuar të jenë një element i rëndësishëm në vijat e frontit në Ukrainë. Kartelet e drogës në meksikë, të angazhuar tashmë në garën e tyre të armatimit me dronë, duket se po e përvetësojnë teknologjinë.