Presidenti Ilir Meta nëpërmjet një postimi në facebook reagoi në lidhje me çështjen e votës së emigrantëve shqiptarë, të cilët përbëjnë një numër të konsiderueshëm votuesish në këto zgjedhje parlamentare. Meta ka publikuar deklaratën e Avokatit të Popullit, i cili sugjeron që të anulohet urdhri për karantinimin e personave që vijnë në Shqipëri nga Maqedonia e Veriut dhe Greqia, për të bërë të mundur që këta shtetas të mund të votojnë në 25 Prill. ‘Ministria e Shëndetësisë dhe Mbrojtjes Sociale, dhe institucionet përgjegjëse shtetërore, përfshirë dhe pikat kufitare, jo vetëm duhet të anulojnë çdo vendimmarrjeje, që rëndon pozitën e shtetasve shqiptarë në mënyrë jo proporcionale, por kanë përgjegjësinë të hulumtojnë dhe të marrin vendime që njëkohësisht me garantimin e sigurisë shëndetësore, të respektojnë edhe të drejtat dhe liritë themelore, siç është e drejta për të zgjedhur.’ – është shprehur Meta në facebook. Sipas këtij urdhri, në kuadër edhe të masave kufizuese antiCovid, të gjithë emigrantët që kanë hyrë në territorin e Republikës së Shqipëisë u është kërkuar nënshkrimi i një formulari për vetëkantinim 14 ditor