Një ish-ushtar në kërkim, u plagos nga policia pas një ndjekjeje 24-orëshe. Burri, i identifikuar si Terry Dupin, 29 vjec, ishte arratisur drejt një zone pyjore pas një shkëmbimi zjarri me policinë mesnatën e së shtunës. Ndjekja vazhdoi edhe të dielën, ku ai pati një shkëmbim zjarri me një skuadër të forcave speciale, gjatë së cilës ai u plagos dhe më pas u arrestua. Ministri i Brendshëm francez tha se autori u neutralizua dhe falenderoi policinë për “ndërhyrjen vendimtare”. Ngjarja nisi të shtunën pas një sherri në shtëpinë e ish-gruas së autorit, i cili pas mbërritjes së policisë, hapi zjarr ndaj tyre. Më pas Dupin u largua në një pyll aty pranë i armatosur me një thikë dhe një pushkë. Mbi 300 policë, katër mjete të blinduara, si dhe një helikopter u përdorën për të bërë krehjen e zonës. Rreth 1800 banorët e zonës u këshilluan të mos dilnin nga shtëpitë. Prefekti i Dordonjës tha se i dyshuari u plagos rëndë nga policia dhe tani po i jepet ndihma mjekësore. Sipas burimeve, i dyshuari është një ish pjesëtar i ushtrisë nga 2011 deri në 2016. Ai ishte dënuar më parë për dhunë në familje ndaj edhe mbante një byzylyk elektrik.