2,6 ton kokainë janë zbuluar në Oqeanin Paqësor, pranë Kolumbisë, teksa ishin duke u transportuar me një nëndetëse rreth 15 metra të gjatë. Kokaina, me vlerë rreth 80 milionë euro, u kap gjatë një aksioni të marinës kolumbiane, teksa në nëndetëse u gjetën edhe katër persona, dy prej të cilëve të vdekur. “Forcat ushtarake gjetën dy person të vdekur, ndërsa dy të tjerë ishin në gjendje të rëndë shëndetësore. Dyshohet se brenda nëndetëses mund të ketë pasur rrjedhje të karburantit. Dy personat u transportuan menjëherë në spital për të marrë ndihmën mjekësore”, ka thënë në një deklaratë Ministria e Mbrojtjes në Kolumbi, teksa shpërndau edhe pamjet nga shkarkimi i nëndetëses.