Një operacion ndërkombëtar i mbështetur nga Europol çoi në arrestimin e një trafikanti të dyshuar heroine që drejtonte një rrjet kriminal që shtrihej nga Irani në Evropën Perëndimore. Në pranga përfundoi një 57-vjeçar turk, I cili fshihej në Shqipëri ku dhe u arrestua më datë 23 nëntor. Operacioni u drejtua nga autoritetet gjermane me mbështetjen e Holandës dhe Europol. Ndërkohë u kontrolluan dhe shumë prona rezidenciale të lidhura me të dhe të dashurën e tij në Roterdam. 57-vjeçari, një nga objektivat e Europolit, dyshohet se drejtonte një rrjet kriminal përgjegjës për importin në shkallë të gjerë të heroinës në Evropën Perëndimore. Ai u zbulua pas sekuestrimit të 703 kilogramëve heroinë në portin e Hamburgut në Gjermani më 30 gusht 2022. Heroina ishte fshehur në një ngarkesë me kontejnerë sapuni me origjinë nga Irani.I dyshuari tani është në pritje të ekstradimit të tij nga Shqipëria në Gjermani.