Një 53 vjecar nga Peshkopia është vënë në pranga nga policia e Tiranës gjatë operacionit ‘Itinerari’ në kundër luftës trafikut të narkotikeve. Operacioni u organizua në bazë të informacioneve të marra në rrugë operative se një 53-vjeçar që merrej me shitjen e lëndëve narkotike dhe po lëvizte me mjet nga Peshkopia në drejtim të Tiranës, duke arrestuar në flagrancë shtetasin me inicialet J. L., 53 vjeç, banues në Peshkopi. Gjatë kontrollit të ushtruar në mjetin me të cilin po qarkullonte ky shtetas, në vendin e quajtur "Ura e Institutit", shërbimet e Policisë kanë gjetur rreth 14 kg lëndë të dyshuar cannabis sativa. Në cilësinë e provës materiale janë sekuestruar lënda narkotike, automjeti dhe 2 aparate celular. Materialet iu referuan për veprime të mëtejshme, Prokurorisë së Rrethit Gjyqësor Tiranë, për veprën penale "Prodhimi dhe shitja e narkotikëve".