Policia ka arritur që të neutralizojë këtë të premte një person me rrezikshëmri të lartë. Dodë Gjikolaj, pjesë e një bande që kryente vrasje dhe shpërthime me eksploziv në Kosovë është vënë në pranga në qytetin e Gjirokastrës. Sipas njoftimit të policisë në zbatim të planit të masave për kapjen e prsonave që qarkullojnë me armë zjarri, atë që janë të shpallur në kërkim kombëtar e ndërkombëtar, apo që kryejnë trafiqe të paligjshme, falë informacioneve policore dhe koordinimit të veprimve u organizua dhe u finalizua operacioni policor i koduar "Kalaja". Në kuadër të këtij operacioni i cili u zhvillua nga Fast Albania, drejtoritë e policisë Gjirokastër, Lezhë e Shkodër, Interpol Tirana si dhe Fast Kosova, u bë e mundur lokalizimi i vendndodhjes në Gjirokastër dhe më pas kapja e Dodë Gjikolaj, 41 vjeç, banues në Velipojë Shkodër I shumë të kërkuar nga drejtësia e Kosovës. Ndalimi i këtij I Gjikolajt u bë pasi Gjykata Themelore në Gjakovë ka lëshur urdhër arresti ndërkombëtar në ngarkim të tij për veprat penale "Vrasje" dhe "Armëmbajtje pa leje të armëve dhe municioneve luftarake dhe shpërthyese". 41 vjeçari dyshohet si vrasës me pagesë për një sërë ngjarjesh me eksploziv e armë zjarri në Kosovë.