9.5 tonë kokainë u kapën në një ngarkesë me banane që ishte nisur drejt Belgjikës. Droga u zbulua nga autoritetet Domenikane ndërsa mësohet se ngarkesa ishte nisur nga Guatemala. Kjo sipas mediave të huaja, është ngarkesa më e madhe me kokainë e kapur në këtë shtet. nëse do të hidhej në treg vlera e drogës shkonte në 250 milionë dolarë. Ngarkesa me lëndë narkotike u zbulua gjatë kontrolleve që u ushtruan në portin Caucedo, që është dhe kryesori. Në pranga sipas autoriteteve përfunduan 10 persona. “Hetimet tregojnë se një kontejner me banane mbërriti nga Guatemala. Shumë individë të panjohur u përpoqën të transferonin drogën në një kontejner tjetër që do të dërgohej në një anije në Belgjikë”, tha policia që bëri me dije se deri më tani në janë sekuestruar në total rreth 47 tonë drogë. InSight Crime, një institut që analizon krimin e organizuar, ka thënë se konfiskimet rekord të bëra këtë vit ttegojnë se Karaibet po rishfaqen si një rrugë kryesore trafikimi nga Kolumbia në Evropë, ku konsumi vlerësohet të jetë dyfishuar krahasuar me vitin e kaluar.