Kanye West i ka kërkuar falje publike bashkëshortes së tij Kim Kardashian pasi zbuloi informacione në lidhje me jetën e tyre private pak ditë më parë në Twitter. Reperi 43-vjeçar ndau një status në rrjetin social ku shkruante: “Kim, e di që ju lëndova. Të lutem, më fal! Faleminderit që keni qenë gjithmonë këtu për mua”. Një burim i afërt me çiftin e famshëm zbuloi për “People” se Kim ishte mërzitur shumë kur zbuloi se Kanye tregoi publikisht se ylli i reality show kishte konsideruar abortin e vajzës së tyre North gjatë shtatzënisë. West, zbuloi përmes statuseve në Twitter se ka dashur të divorcohej me bashkëshorten e tij 2 vite më parë, kur kjo e fundit u takua me Meek Mill për të folur për “reformën e burgut”. Artisti, i cili ka shpallur kandidaturën për President në SHBA, akuzoi gjithashtu Kim dhe vjehrrën Kris Jenner se ato tentuan të merrnin një doktor dhe ta mbyllnin në një spital psikiatrik.