Reperi i njohur amerikan, Kanye West pati një falenderim publik për të gjithë shqiptarët një ditë pas koncertit në Eagle Stadium. Kanye West X: “Faleminderit Edi Rama dhe gjithë Shqipërisë që ndërtuat një stadium dhe më mirëpritët në vendin tuaj të bukur.” – shkruajti artisti Kanye West në X. Koncerti në Tiranë erdhi në vazhdën e një turi muzikor që Kanye West ka ndërmarrë në disa shtete të botës. Rekordi këtë vit u shënua në Stamboll, ku 118 mijë fansa u mblodhën në stadiumin olimpik Atatürk për të ndjekur performancën e reperit Kanye West . Ndërkohë disa shtete, përshirë Mbretërinë e Bashkuar, Poloninë dhe Italinë refuzuan mbajtjen e koncerteve të Kanye West në shtetet e tyre për shkak të përdorimit të gjuhës anti-Semite prej tij, apo edhe simboleve që shkonin në përkrahje të Hitlerit. Në janar, Kanye West kërkoi ndjesë publike për gjuhën e përdorur, të cilën ja atribuoi një çregullimi mendor bipolariteti të pakuruar. "Më vjen keq dhe jam thellësisht i turpëruar nga veprimet e mia. Unë nuk jam nazist apo antisemit. E dua popullin hebre" – u shpreh ai. Megjithatë, deklaratat e dhëna më herët prej Kanye West u bënë shkak që shumë shtete të refuzonin performancat e tij artistike, duke bërë që turi i reperit amerikan të zhvendosej në shtete ku nuk kishte qënë më herët, sikurse ishte Shqipëria, ku fansat e tij nga gjithë bota udhëtuar për të ndjekur performancën e tij.