Dy shqiptarë dhe 3 italianë janë arrestuar për vrasjen e Elson Kalaverit në ngjarje e ndodhur në gusht të vitit të kaluar. Operacioni i koduar “ Kanuni” është rezultat i një pune intensive hetimore, të zhvilluar që prej gushtit 2022 nga Karabinierët e Njësisë Hetimore të Pizës dhe koordinuar nga Prokuroria Publike e Pizës, e cila bëri të mundur zbardhjen e vrasjes mizore të shqiptarit. Kalaveri u vra më 18 gusht 2022 në rajonin e Pisas. Ai njihej nga policia italiane si person i akuzuar për shfrytëzim prostitucioni. Operacioni i arrestimeve u krye nga karabinierët e Pisës në bashkëpunim me policinë e shtetit shqiptar dhe ndaj tyre ishte firmosur masa e sigurisë 'arrest me burg'. Njëri prej të arrestuarve është vëllai i Gent Keçit, të cilin viktima, Kalaveri, e kishte vrarë në 2014 brenda ambienteve të komisariatit të policisë së Mamurrasit.