Ish-deputetja e PD-së, Jorida Tabaku ka publikuar disa pamjet nga kantieret e punimeve të qeverisë, që sipas saj janë thjesht imagjinare, pasi aty nuk punohet. Sipas Tabakut është fakt që një vit pas tërmetit janë ndërtuar vetëm 48 shtëpi, nga 3389 te kontraktuara për rindërtim. Ne postimin e saj Tabaku i drejton edhe pyetje kryeministrit Rama dhe Kryebashkiakut Veliaj. 1. A u rehabilitua Sami Frasheri pak muaj para se të shembej ndonëse EV tha që do rrojë me vite? 2. Me cfarë fondesh po ndërtohet Sami Frashëri? Veliaj dhe Ahmetaj thanë me fonde të BE, ndërkohë që BE thotë që nuk po ndërton asnjë shkollë në Tiranë me fondet e saj. 3. A është shpallur në buletinin e datës 27 Mars projektimi i ndërtimit të shkollës Sami Frashëri dhe anulluar me datë 21 Prill? Që do të thotë se kur u prish me datë 24 Prill nuk kishte një projekt… 4. Në ç’sirtar ka përfunduar procedura e përfunduar e tenderit për shkollën Sami Frashëri? Pse nuk është bërë publike? ER dhe EV duhet ta kenë dhe përgjigjen pse shkollat e tyre janë me kosto 4,5mln euro dhe të BE 700 000 euro.