Një ullishtë e gjelbër, e stërmadhe, u nda në dysh gjatë tërmetit shkatërrimtar të javës së shkuar në Turqi, duke krijuar një kanion rreth 300 metra të gjatë. Imazhet tronditëse të ndarjes së ullishtës, vijnë nga rajoni juglindor i turqisë, Altinozu, që kufizohet me Sirinë, dhe tregojnë një kanion mbi 40 metra të thellë. Krijimi i kësaj carjeje të frikshme, është një tjetër tregues i fuqisë shkatërrimtyare të tërmetit të të hënës së shkuar, që ka marrë deri më tani dhjetëra e mijëra jetë njerëzish në siri dhe turqi dhe ka shkatërruar blloqe të tëra banimi. Irfan Aksu, që jeton në zonë, thotë për agjencinë turke të lajmeve Demioren, se kur tërmeti nisi të hënën, u dëgjua një gjëmim i pabesueshëm. “Ishte si një fushëbetejë kur u zgjuam”, thotë ai. Aksu, i lutet ekspertëve të inspektojnë zonën për dëme të mundshme në të ardhmen. “Ky nuk është një qytet i vogël. Ka 1 mijë shtëpi dhe 7 mijë njerëz jetojnë këtu”, thotë ai. “Sigurisht, ne jemi të frikësuar...nëse do të kish qenë edhe pak më afër, do na kishte gëlltitur me gjithcka kishim”. Tërmeti i të hënës ishte më i forti i regjistruar në botë që kur një tërmet me magnitudë 8.1 goditi një rajon afër ishujve jugorë sandëich, në oqeanin atlantik në 2021. Edhe pse vendndodhja e largët e këtij vendi bëri që incidenti të mos shkaktonte dëme.