Pas paraqitjes si cdo të hënë në ambientet e Prokurorisë së Posacme, kryedemokrati Sali Berisha përshëndeti dëshminë e dhënë në kuadër të dosjes Partizani të ish ministrit Ylli Pango, duke e cilësuar si një të ëvrtetë absolute. Ish ministri deklaroi në sallën e gjyqit se privatizimet ishin një prej prioriteteve të qeverisë së PD-së dhe përbënin programin elektoral të saj. ‘E komentoj si një të vërtetë absolute. Kam pasur një program elektoral, në të cilin u kam premtuar shqiptarëve privatizim. E përshëndes dëshminë e zotit Pango, i cili ka mbrojtur aty programin e qeverisë në të cilën ka bërë pjesë.’ Berisha inkurajoi të thotë gjithcka që di edhe ish ministrin e Mbrojtjes gjatë qeverisjes së tij, Gazment Oketën, i cili u thirr po ashtu të dëshmonte këtë të hënë për Partizanin. ‘Për sa i përket zotit Oketa, e përshëndes dhe e ftoj të thotë gjithçka din rreth atij problemi. Ajo është procedura më transparente, më ligjore, në të cilën armiqtë e saj ligjorë nuk kanë gjetur dot asnjë shkelje ligjore.’ Kreu i opozitës u ndal edhe të protestat e qytetarëve, ku tha se PD nuk ndërhyn, por i mbështet ato.