Nga një janari, procesi i gjatë dhe i kushtueshëm i marrjes së një vize, për një qytetar të Kosovës, është dicka që i përket të shkuarës. Nga e hëna kosovarët nuk kanë më nevojë për vizë për të udhëtuar në zonën Shengen dhe kjo risi është pasqyruar gjerësisht edhe nga mediat e huaja. Media zvicerane RTS, i ka kushtuar vëmendje liberalizimit të sapo nisur të vizave për kosovën, që sipas saj ishte premtuar prej vitesh nga liderët evropianë ndërkohë që shoqëria kosovare e priste me padurim. “Përvec gëzimit të ndërrimit të viteve, për kosovarët erdhi edhe clirimi i shoqërisë2”, shkruan ajo. “1.8 milionë kosovarët po prisnin me padurim 1 janarin e vitit 2024. Kalimi në vitin e ri është sinonim i një çlirimi të vërtetë për këtë shoqëri të re dhe shumë europë-dashëse: që nga kjo e hënë qytetarët e këtij vendi të vogël ballkanik nuk kanë më nevojë për vizë. për të udhëtuar në kontinentin e tyre”, shkruan RTS e cila flet edhe për një padrejtësi me të cilën për vite me radhë janë ballafaquar shtetasit kosovarë.