Donald Trump ka paralajmëruar publikimin e “shumë gjërave” që lidhen me dekada të tëra kërkimesh sekrete mbi UFO-t dhe jetën jashtëtokësore. Presidenti amerikan tha se administrata e tij do të publikojë sa më shumë dosje qeveritare të jetë e mundur dhe se dokumentet përfshijnë biseda me njerëz që “kanë parë gjëra që nuk do t’i besonit”. Trump tha gjatë një eventi në Shtëpinë e Bardhë me ekuipazhin e misionit historik Artemis II të NASA-s të mërkurën: “Për ndonjë arsye, ka qenë në mendjet e njerëzve për një kohë të gjatë. Mendoj se disa prej tyre do të jenë shumë interesante për njerëzit.” Më herët këtë muaj, Trump tha se dosjet e UFO-ve do të publikohen "shumë shpejt", ndërsa aludoi për disa gjetje "interesante". Interesi global për fenomenet ajrore të paidentifikuara, vazhdon të rritet pasi Uashingtoni njoftoi se do t'i zbulonte të gjitha këtë vit. Në shkurt, Trump tha se do t'i kërkonte shefit të Departamentit të Luftës, Pete Hegseth, të "identifikonte" dhe "publikonte" të gjitha dosjet sekrete të ruajtura nga SHBA-të.