Mbyllja e numërimit të votave për kandidatët ka nxjerrë në pah edhe kandidatët që morën më shumë vota preferenciale nga qytetarët. Ndër kandidatet femra që garuan në këto zgjedhje, janë disa që kanë arritur të sigurojnë numër të konsiderueshmë votash në qarqet përkatëse ku edhe ishin të përfshira në lista. Nga të dyja kampet politike, ministrja e Infrastrukturës dhe Energjisë Belinda Balluku, është kandidatja femër më e votuar në këto zgjedhje. Në qarkun e Tiranës ku ajo kandidonte, ka arritur të marrë 15 361 vota, duke qenw edhe ndër emrat më të votuar në listat në gjithë vendin. Kreu PS për qarkun e Tiranës, Erion Veliaj në daljet e shpeshta nga selia socialiste gjëtë këtyre ditëve, lançi fotoren e PS në kombinat me Ballukun si kandidate si një nga sukseset e kësaj fushate. Gjatë fushatës i mujore Balluku u përball edhe situatë të vështirë, siç ishte greva e kontrollorëve të trafikut ajror në ditët e para të prillit që u menaxhua dhe u zgjidh brenda dy ditësh duke zhbllokuar ngërçin e krijuar në rinas me fluturimet e anuluara. Ky është mandati i parë i Ballukut si deputete e parlamentit. Ajo erdhi në qeveri në fund të dhjetorit të 2018-ës duke zëvendësuar Damian Gjiknurin, në postin e ministres së Infrastrukturës dhe Energjisë. Deri në këtë emërim ajo mbajti për më shumë se 5 vite postin e drejtoreshës së Albcotrol, dhe të gjithë e kujtojmë se caktimi i saj në këtë detyrë ishte një nga vendimet e para të Edi Ramës në postin e kryeministrit. Balluku ka qene një nga bashkëpunëtoret e hershme të Ramës në Bashkinë e Tiranës, ku që nga viti 2004 ka qenë keshilltare për marrëdheniet me publikun e më pas si shefe e kabinetit.