Kryeministri i ri i Kanadasë Mark Carney i ka kërkuar ministrit të Mbrojtjes Bill Blair të rishikojë blerjen e avionit luftarak amerikan F-35 për të parë nëse ka opsione të tjera “duke pasur parasysh ndryshimin e mjedisit”, tha një zëdhënës i ministrisë. Sekretari i shtypit në Ministrinë e Mbrojtjes tha se kontrata për blerjen e F-35 të kontraktorit ushtarak amerikan Lockheed Martin aktualisht mbetet në fuqi dhe Kanadaja ka ndërmarrë një angazhim ligjor për 16 avionët e parë. Kanadaja pranoi të blinte 88, F-35 dy vjet më parë. Carney, i cili u betua të premten, i ka kërkuar Blair tani të punojë me ushtrinë "për të përcaktuar nëse kontrata e F-35ave, është investimi më i mirë për Kanadanë dhe nëse ka opsione të tjera që mund të plotësojnë më mirë nevojat e Kanadasë".