Kanadaja po vë një bast të madh tek emigracioni për të mbushur boshllëkun në ekonominë e saj si pasojë e plakjes së popullsisë dhe uljes së fuqisë punëtore. Në fillim të këtij muaji, qeveria e kryeministrit Justin Trudeau njoftoi një plan për të pranuar 500 mijë emigrantë në vit deri në vitin 2025. Sipas këtij plani, pothuajse 1.5 milion emigrantë të rinj do të shkojnë në vend gjatë tre viteve të ardhshme. Por një sondazh i kohëve të fundit tregon se ka edhe ankth për mirëpritjen të kaq shumë banorëve të rinj. Për shumë vite, Kanada është përpjekur të tërheqë banorë të përhershëm – emigrantë që kanë të drejtë të qëndrojnë në vend për një kohë të pacaktuar, por që nuk do të konsiderohen si vendas – për të mbajtur popullsinë dhe ekonominë në rritje. Vitin e kaluar, vendi pranoi 405 mijë banorë të përhershëm