Policia ka arrestuar një 40-vjeçar në Fier pasi ushtronte profesionin e laborantit dentar i papajisur me licencë si dhe posedonte në laborator edhe një sasi cannabis sativa. Në kuadër të operacionit policor të koduar “Multi”, u kap në flagrancë dhe u vu në pranga Amarildo Kola, 40 vjeç, banues në Fier. Shërbimet e Policisë konstatuan se ky shtetas kishte përshtatur një banesë të marrë me qira, në lagjen “1-Maji”, si laborator dentar, ku ushtronte profesionin e laborantit, i papajisur me licencën e nevojshme, si dhe përdorte barna dhe pajisje, të dyshuara të rrezikshme për shëndetin e pacientëve. Gjatë këtij operacioni policia ka sekuestruar barnat dhe pajisjet dentare, përdorimi i të cilave konsiderohet i rrëzikshëm për shëndetin e pacientëve, si dhe sasia e lëndës narkotike cannabis sativa.