Një ambient i përshtatur për kultivimin dhe përpunimin e lëndëve narkotike, i fshehur poshtë një koteci shpendësh në fshatin Vreshtas të Bashkisë Maliq, është zbuluar nga hetimet e Prokurorisë Korçë, duke çuar në arrestimin e një personi dhe shpalljen në kërkim të një tjetri. Në prangat e Policisë është vënë shtetasi me iniciale K.L., për “Prodhim dhe shitja të narkotikëve”, kryer në bashkëpunim, ndërsa një tjetër person po kërkohet për disa vepra penale.