Dy vëllezër janë shpallur në kërkim nga policia në Shkodër, pasi kishin kultivuar bimë narkotike kanabis sativa në pronën që kishin në fshatin Vuksanaj. Nga kontrollet e policisë në një miniparcelë në afërsi të banesës, u gjetën 70 bimë narkotike cannabis sativa, në proces tharjeje, ndërsa në ambientet e banesës, u gjet një armë zjarri kallashnikov dhe 17 fishekë, të cilat u sekuestruan në cilësinë e provës materiale. Në vijim të veprimeve procedurale për këtë rast u shpallën në kërkim 2 vëllezërit, pronarë të banesës 29 vjeçari Tonin Mjacaj dhe 27 vjeçari Filip Mjacaj, të dy banues në fshatin Vrakë, Malësi e Madhe. Policia vijon punën për kapjen e 2 vëllezërve, të cilët u identifikuan si autorë të dyshuar të kultivimit të bimëve narkotike dhe të posedimit të armës së zjarrit. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.