Pas ngërçit të krijuar për kampit të Gjadrit nëse do të presë apo jo emigrantë nga vendet e botës së tretë, ish kryeministri italian Matteo Renzi, ka propozuar një zgjidhje të pazakontë. Ai ka sugjeruar që qendra e emigrantëve në Shqipëri të transformohet në një burg për shqiptarët e dënuar në Itali.“Së bashku duhet të ndalojmë së shpenzuari paratë e italianëve kot. Kampin e emigrantëve në Shqipëri mund ta transformojmë në një burg për të dënuarit shqiptarë që ndodhen aktualisht në Itali,” u shpreh Renzi. Ish-kryeministri nuk I kurseu as kritikat për kundërshtarët e tij politikë. “Të tjerët vetëm kritikojnë dhe përdorin slogane; ne ofrojmë alternativa konkrete. Çfarë mendoni, a do të na dëgjojnë këtë herë?”, u shpreh ai. Ndërkohë propozimi pritet të shkaktojë debate pasi çështja është tejet e ndjeshme, në një kohë kur qeveria e Melonit është vendosur në qendër të akuzave për çështjen e emigrantëve.