Një kamion me targa të Kosovës u përfshi nga flakët në Rrugën e Kombit. Ngjarja ndodhi pranë Pikës Kufitare të Morinit. Sipas informacioneve paraprake, zjarri dyshohet se nisi në gomat e karrocerisë së mjetit, i cili transportonte materiale drusore për industrinë e mobilieve e më pas u përhap me shpejtës duke përfshirë pjesën e pasme të karrocerisë dhe. Reagimi i menjëhershëm i drejtuesit të kamionit, me ndihmën e kolegëve dhe banorëve të zonës, bëri të mundur neutralizimin e flakëve, duke shmangur përhapjen e mëtejshme të zjarrit. Ndërkohë, edhe pas më shumë se 24 orësh nga ngjarja, karroceria e kamionit vijon të qëndrojë në njërën korsi të Rrugës së Kombit, duke sjellë vështirësi në qarkullimin e automjeteve, veçanërisht në këtë periudhë të sezonit veror, kur aksi drejt Morinit përballet me fluks të lartë lëvizjesh.