George Clooney thotë se zëvendësimi i Joe Biden me Kamala Harris si kandidate demokrate për t'u përballur me Donald Trump në zgjedhjet presidenciale të SHBA-së nëntorin e kaluar ishte një gabim. Aktori shtoi se nuk kishte asnjë keqardhje që shkroi një artikull në Neë York Times korrikun e vitit të kaluar, duke bërë thirrje që Biden të hiqte dorë nga gara. Në artikullin e titulluar "E dua Joe Biden. Por na duhet një kandidat i ri", Clooney shkroi se presidenti i moshuar kishte fituar shumë beteja në karrierën e tij "por e vetmja betejë që ai nuk mund ta fitojë është beteja me moshën’. Komentet e Clooney vijnë pasi djali i ish-presidentit, Hunter Biden, e sulmoi atë për vënien në dyshim të gjendjes mendore të babait të tij. Aktori i qëndron shkrimit dhe sqaroi se në atë kohë ka kërkuar një garë të re brenda demokratëve dhe jo një emërim pa zgjedhje brenda partisë. Në artikull, aktori dhe mbledhësi i shquar i fondeve demokrate shkroi se ishte "shkatërruese ta thoshte", por Joe Biden që ai kishte takuar në një aktivitet për mbledhje fondesh tre javë më parë nuk ishte Biden i vitit 2010. "Ai nuk ishte as Joe Biden i vitit 2020," shtoi ai.