“Kam tre fëmijë për të rritur dhe tani jemi krejtësisht vetëm. Ndihemi të shkatërruar.” Kështu shprehet Gurim Isteri, bashkëshorti i Lavdije Isterit, 42-vjeçares shqiptare që humbi jetën tragjikisht në Itali. Gruaja me origjinë nga Durrësi u përplas nga një kamion mbeturinash teksa po shoqëronte vajzën e saj 9-vjeçare për në shkollë. Aksidenti ndodhi në vijat e bardha dhe në prani të vajzës së vogël. Sipas të dhënave paraprake, hetuesit po shqyrtojnë edhe mundësinë që drejtuesi i kamionit të mos e ketë dalluar 42-vjeçaren për shkak të kthesës. Pas ngjarjes, familja shfaqet e pikëlluar, ndërsa miq, fqinjë dhe pjesëtarë të komunitetit kanë shkuar për t’u qëndruar pranë. Çifti kishte tre fëmijë, një djalë 18-vjeçar, një vajzë 22-vjeçare dhe vajzën 9-vjeçare, e cila ndodhej me nënën në momentin e aksidentit.