Departamenti amerikan i Drejtësisë publikoi të enjten pamjet video të personit të akuzuar për përpjekjen për të vrarë Presidentin Donald Trump fundjavën e kaluar, ndërsa ai kaloi përmes një pike kontrolli sigurie në hotel dhe qëlloi një oficer të Shërbimit Sekret. Jeanine Pirro, prokurore amerikane për Distriktin e Kolumbias, tha në X se pamjet e sigurisë treguan gjithashtu të dyshuarin Cole Allen duke "ekslploruar zonën" në Ëashington Hilton gjatë ditës para sulmit të së shtunës. Videoja gati gjashtë minutëshe përmban disa klipe të një personi që evën para dhe mbrapa nëpër një korridor dhe përmes një qendre fitnesi. Një fragment më dramatik tregon personin, duke mbajtur atë që duket të jetë një armë me tytë të gjatë, duke kaluar përmes një posti sigurie mes policëve me uniformë dhe agjentëve me kostume. Pirro tha se videoja tregon "Cole Allen duke qëlluar një oficer të Shërbimit Sekret të SHBA-së gjatë përpjekjes së tij për të vrarë Presidentin në Darkën e Korrespondentëve të Shtëpisë së Bardhë". "Nuk ka prova që të shtënat ishin rezultat i zjarrit miqësor", tha ajo, duke shtuar se videoja i ishte dorëzuar tashmë Gjykatës së Qarkut të SHBA-së. Pamjet filmike duket se tregojnë një agjent të Shërbimit Sekret duke qëlluar me armën e tij tre herë në drejtim të sulmuesit, megjithëse policia ka theksuar se Allen nuk është qëlluar gjatë sulmit.