Kosova bën një hap para drejt anëtarësimit në Këshillin e Europës. Me 31 vota pro, 4 kundër dhe një abstenim, komiteti për çështjet politike dhe demokraci i Këshillit të Europës, i dha dritën jeshilie raportit të Dora Bakoyannis, që rekomandaon anëtarësimin e Kosovës në Këshillin e Europës pa asnjë parakusht shtesë. Asambleja Parlamentare e Këshillit të Evropës, njofton në Tëitter se hapi tjetër do të jetë një debat plenar që pritet të mbahet deri më 18 prill dhe pastaj një votim nga e gjithë Asambleja për Opinionin statutor. Zëvendësministri i Jashtëm, Kreshnik Ahmeti ka bërë të ditur se asnjë nga zotimet që duhet t’i marrë përsipër Kosova nuk kërkohet të realizohen para anëtarësimit. Madje në pikën 11 thuhet qartë se zotimi duhet të adresohet pas anëtarësimit. “Të gjitha propozimet që të vendosen parakushte të reja janë refuzuar nga shumica e anëtarëve të Komitetit, gjë që tregon se Kosova duhet të bëhet anëtare në maj të këtij viti dhe parakushtet e reja do të ishin të padrejta” theskoi Ahmeti.