Sekretari i përgjithshëm i Lëvizjes Socialiste për Integrim, Endrit Braimllari, i ftuar në emisioin “Breaking” në Top Neës, ka hedhur akuza të forta ndaj kandidatit për deputet të Partisë Socialiste, njëherazi edhe ministër i Mbrojtjes, Niko Peleshi. Sipas Braimllarit, socialisti Peleshi nisur nga pozicionimi aspak i favorshëm në listën e kandidatëve në qarkun e Korçës, po bën veprime klienteliste duke shpërdoruar detyrën dhe përdorur administratën publike për fushatë. Mësohet se për këtë çështje, Braimllari ka bërë një kallzim penal, në prokurorinë e posaçme të krimit të organizuar dhe korrupsionit. Kandidati për deputet në listën e Partisë Socialiste, akuzohet për dy vepra penale, për shpërdorim detyre dhe për përdorim të funksionit publik për veprimtari politike dhe zgjedhore. Endrit Braimllari, pretendon se disa funksionarë të administratës publike kanë lënë prej kohësh detyrat e tyre publike ndaj qytetarëve shqiptarë, për t’i shërbyer fushatës elektorale të Peleshit. Nga ana e Peleshit nuk ka ende një qëndrim zyrtar. Pritet që njarja të zbardhet në vijim nga SPAK.