Kallëzohet penalisht në Prokurorinë Speciale, SPAK ish-kryebashkiaku i Kukësit, Bashkim Shehu. Ndaj tij janë ngritur 3 akuza, të cilat sipas burimeve zyrtare janë provuar me dokumentacion shkresor dhe të firmosur nga Drejtoria e Inspektimi Financiar në Ministrinë e Financave dhe vetë kryebashkiaku actual, Safet Gjici. Akuza më kryesore ndaj ish-kryebashkiakut është ajo e shpërdorimit të detyrës, duke shkaktuar një dëm prej 600 mijë dollarësh, e cila sipas Safet Gjicit është përdorur për përdorim vetjak dhe të subjektit politik Partia Demokratike. Duke renditur një sërë shkeljesh, Gjici bën publik edhe një tjetër fakt. Ai pranon se përmes veprimeve të ish-kryebashkiakutr Shehu, sot bashkia e Kukësit ka një borxh prej 20 milionë dollarësh. Pritet që hetimet e SPAK të zbardhin të vërtetën e një skandali, përmasat e të cilit nuk duken aspak të vogla, e aq më tepër kur bëhet fjalë për një bashki me buxhet modest.