Radhë të gjata automjetesh janë krijuar në pikën kufitare të Kakavijës këtë të hënë. Prej orëve të para të mëngjesit shumë qytetarë janë detyruar të presin për të kaluar kufirin grek duke shtuar fluksin në këtë pikë kufitare pasi në palën greke janë duke punuar vedtëm dy sportele. Nga ana tjetër teksa radhët vijojnë të shtohen, autoritetet fqinje kanë njoftuar se nga ora 12 deri më 18 me orën greke dogana do të jetë e bllokuar për shkak të protestës që po zhvillojnë fermerët përgjatë aksit rrugor Kakavijë-Janinë.