Kreu i republikës Cecene, që po lufton krah Moskës në Ukrainë, Ramzan Kadyrov, ka probleme serioze shëndetësore. Sipas informacioneve, bëhet fjalë për një sëmundje të rëndë të veshkave dhe kjo konfirmohet nga kreu i qeverisë në mërgim të cecenisë, Akhmed Zakayev. Spekulimet për gjendjen e tij shëndetësore u ndezën edhe më shumë pasi ai nuk u pa askund më 21 shkurt, në fjalimin e Vladimir Putinit në asamblenë federale. E përditshmja gjermane Bild, raporton ndërkohë se një mjek kryesor nefrolog i njohur nga Emiratet e bashkuara ka mbërritur në rusi për të vizituar Kadyrov, pasi ky i fundit nuk i beson mjekëve rusë, me dyshimin se ata mund ta helmojnë. Më herët, Zakajev, tha për kanalin televiziv Ukrainas, Freedom, se Kadyrov ishte i sëmurë e madje edhe i varur nga droga, pasi prej shumë vitesh merrte pilula energjie. “Ai nuk mund ta kontrollojë veten pa to. Kjo është arsyeja përse ekzistojnë edhe dyshimet se është i sëmurë. Thuhet se ai ka shkuar diku për të pushtuar por në fakt mund të jetë duke u trajtuar nga mjekët”, thotë Zakajev.