Drejtori i kadastrës së Durrësit Arur Çobani është shkarkuar nga detyra, pasi ka qëndruar në këtë post për 11 muaj. Në vend të tij konfirmohet se është emëruar juristi Rezart Elmazi. Çobani u emërua në krye të kadastrës së Durrësit , në nëntor të vitit 2019, duke zëvendësuar Arjan Cengun, i cili pati marrë drejtimin e këtij institucioni pas shkarkimit të Liridon Pulës, i cili u akuzua për tjetërsim pronash në Gjirin e Lalzit. Lëvizjet në kadastrën e Durrësit kanë qenë të shpeshta për shkak të problematikave me tjetërsimin e tokave, kryesisht në zonat bregdetare. Rezart Elmazi vjen në këtë detyrë pasi ka qenë më parë drejtues i Kadastrës në Vlorë dhe Tiranë. Kujtojmë që edhe në kadastrën e vlorës ka pasur lëvizje të shumta gjatë vitit të fundit, ku drejtuesit janë ndërruar në mënyrë të shpeshtë, për shkak të problemeatikave të mbartura në çështjen e pronave atje.