Fondi i pasurisë prej 1.8 trilion dollarësh i Norvegjisë, më i madhi në botë, duhet të investojë më shumë para në sektorët që adresojnë sfidat globale si ndryshimet klimatike dhe shëndeti dhe të pranojë se mund të marrë mbrapsht më pak nga këto investime, tha një panel qytetar të martën. Nisma, një konsultim mbarëkombëtar mbi atë që duhet të bëjë vendi me pasurinë e tij, ishte ideja e shtatë organizatave joqeveritare që donin të sillnin në debatin publik zëra nga shoqëria që zakonisht nuk dëgjohen. 56 norvegjezë të përzgjedhur për të përfaqësuar popullsinë - bazuar në moshën, gjininë, vendbanimin, arsimin dhe qëndrimin ndaj ndryshimeve klimatike - u takuan mes janarit dhe majit për të dhënë rekomandime për ligjvënësit. Ata diskutuan se si të shpenzojnë paratë nga fondi, i cili bashkon të ardhurat shtetërore nga nafta dhe gazi dhe ka një vlerë aktuale prej 326 mijë dollarësh për cdo burrë, grua dhe fëmijë në vend.