Kryetari i Partisë Demokratike, Lulzim Basha, ka zhvilluar një bisedë online me kryetaren e Partisë Konservatore Britanike të kryeministrit Johnson dhe këshilltarin e bordit të tregtisë në Britani, Daniel John Hannan. Kreu I opozitës tha se Partia Demokratike ka filluar një fushatë e cila përqendrohet në ato që i konsideroi problemet e shumta që ka sot vendi, duke akuzuar qeverinë e kryeministrit Edi Rama për keqqeverisje gjatë 8 viteve në pushtet. “Ne kemi marrë që nga fillimi vendimin për të filluar një fushatë pozitive që përqendrohet në problemet e vendit dhe në zgjidhjet e këtyre problemeve. Pas 8 viteve të qeverisjes socialiste që ka premtuar shumë por nuk ka bërë asgjë dhe e ka lënë vendin në vendnmëro në çdo fushë, te gjithë kerkojnë ndryshim. Dhe kjo është bërë motoja jonë: nevoja për ndryshim, bashkimi për ndryshim përmes së cilës ne do të jemi në gjendje të garantojmë rritje ekonomike, prosperitet dhe të ecim të sigurt drejt anëtarësimit në BE.