Aleatja e vendosur e SHBA, Jordania, i kërkoi uashingtonit të dërgonte sistemet e tij të mbrojtjes ajrore Patriot në vend, për ta ndihmuar në mbrojtjen e kufijve në një kohë tensionesh të larta rajonale – tha një zëdhënës i ushtrisë jordaneze të dielën. “Ne i kërkuam palës amerikane të na ndihmojë të mbrohemi me sistemet ajrore patriot”, tha Mustafa Hiyari, zëdhënës i ushtrisë jordaneze. Raketat amerikane patriot janë vendosur në mbretëri në 2013-ën, pas një rebelimi në sirinë fqinje, pasi kordania druante se lufta civile do të kapërcente kufijtë dhe do të ndizte një konflikt rajonal. Jordania është tani shumë nervoze për shkak të frikës se bombardimet pa pushim të izraelit në gaza, që nga sulmi i beftë i hamasit në izrael, më 7 tetor, mund të përhapet po ahstu në një konflikt më të gjerë. Patriot, konsiderohet një nga sistemet më të avancuara amerikane të mbrojtjes ajrore dhe është tani shumë i kërkuar dhe në mungesë, pasi aleatët në të gjithë botën e duan atë. Hiyari mohoi ndërkohë raportet në mediat sociale se pentagoni po përdorte bazat në jordani për të transportuar armë dhe pajisje ushtarake nga depot e saj në Izrael, për ta ndihmuar këtë të fundit në luftën e tij në gaza. Pentagoni i ka përdorur muajt e shkuar bazat ushtarake në jordani, në përpjekje për të fuqizuar praninë e tij ushtarake në rajon. SHBA ka dërguar një fuqi të madhe detare në lindjen e mesme, këto javë, përfshirë dy aeroplanmbajtëse, luftanijet që i mbështesin dhe me mijëra trupa të reja. Zyrtarë të lartë të administratës Biden, përfshirë sekretarin amerikan të mbrojtjes, Lloyd Austin, kanë paralajmëruar për rrezikun e një përshkallëzimi të madh. Mbretëria e jordanisë ka me qindra trajnues amerikanë në vend dhe është një nga të paktët aleatë rajonalë që zhvillon stërvitje të shpeshta me trupat amerikane, gjatë vitit. Ushtria e Jordanisë është një nga marrësit më të mëdhenj të financimeve amerikane.