Kryeministri britanik Boris Johnson zhvilloi një bisedë telefonike me presidentin turk Recep Tayip Erdogan për bashkëpunimin mes dy vendeve dhe për anëtarësimin e Finldandës dhe Suedisë në NATO. Sipas britanikes The Times, kryeministri Johnson nisi bisedimet për të bindur liderin turk që të miratonte kërkesat e Suedisë dhe Finlandës për t'u bashkuar me NATO-n përpara samitit në Madrid muajin e ardhshëm. Kryeministri britanik theksoi se Finlanda dhe Suedia do të jenë të vlefshme për aleancën e NATO-s. Biseda vjen pas kërcënimin të Erdoganit për të vendosur veton ndaj aplikimeve të Finlandës dhe Suedisë për anëtarësim në NATO. Të dyja vendet nordike paraqitën aplikimet për tu bërë pjesë e aleancës perëndimore të mbrojtjes, duke përmbysur dekada neutralitet të tyre, por përballen tani me bllokadën e turqisë. Sidoqoftë zyrtarët amerikanë dhe ata të NATO-s kanë shprehur bindjen se do të gjendet një marrëveshje me Turqinë.