Kryeministri britanik, Boris Johnson, do të martohet me të fejuarën e tij Carrie Symonds, në korrik, dhe me shumë gjasa, ceremonina do të zhvillojë në Itali. Lajmi vjen nga tabloidi britanik The Sun, sipas të cilit, Johnson i ka dhënë një datë familjarëve dhe miqve, ndërkohë që më pas kanë shkruar për këtë edhe të gjitha mediat e tjera në vend. Kryeministri Johnson dhe Symonds, cifti i parë i pamartuar që jeton në Doëning Street, janë të fejuar që nga fundi i 2019, por kishin pezulluar planet e tyre për martesë. Në moshën 55 vjecare, për Boris Johnson kjo do të jetë martesa e tretë ndërsa për Carrie-n, 33 vjec, e para. Si vendi ku do të mbahet ceremonia përflitet rezidenca e kryeministrit në Buckinghamshire, Chequers, ose parku i safarit në Port Lympne në Kent, por ka zëra, shkruan Guardian, edhe për një martesë të mundshme në itali, ku e fejuara e Johnson kalon shpesh pushimet dhe ku ka edhe të afërm. Një destinacion ky që bie ndesh me rekomandimin që pak ditë më parë vetë Boris Johnson i bëri popullatës britanike për të mos udhëtuar në atë që njihet si Belpaese.