Ndonëse është Presidenti më I vjetër në historinë e SHBA-ve, Joe Biden ka ndërmend të kandidojë për një mandate të dytë. Ndonëse nuk ka marrë ende një vendim zyrtar presidenti i SHBA-së, Joe Biden nuk heq dorë nga mundësia për të kandiduar për rizgjdhje në vitin 2024. Në një intervistë të fundit, Biden shprehet se synon mandatin e dytë në krye të shtetit më të fuqishëm në botë. Çështja e së ardhmes politike e Biden do të jetë në qendër të vëmendjes për demokratët pas zgjedhjeve afatmesme të nëntorit, në të cilat partia po lufton për të mbajtur kontrollin e Kongresit. Tashmë, synimet e Presidentit për një tjetër mandate në krye të Shtëpisë së Bardhë kanë ngritur dilemat për garën në 2024. Në moshën 79-vjeçare, Biden është tashmë presidenti më i vjetër në historinë amerikane. Ai u zgjodh President I 46-të I SHBA-ve në vitin 2020, duke mposhtur Donald Trump që tentoi të fitonte mandatin e dytë si president I SHBA-ve.