Kongresi amerikan vulosi fitoren e Joe Bidenit në zgjedhjet presidenciale të nëntorit. Në sfondin e imazheve të mësymjes së pashembullt të Capitolit që shokuan Amerikën dhe botën, ligjvënësit konfirmuan rezultatet e Kolegjit Elektoral për fitoren e presidentit të zgjedhur Biden. Të dyja dhomat e Kongresit hodhën poshtë një lëvizje të aletavë te presidentit Donald Trump për të kundërshtuar certifikimin e rezultateve të zgjedhjeve presidenciale. Ishte zevendespresidenti Mike Pence ai që e rinisi seancën duke dënuan episodin trondites. Kjo e sotmja ishte një ditë e errët në historinë e Capitolit të Shteteve te Bashkuara të Amerikës. Por falë lëvizjeve të shpejta të policisë së tij, dhe forcave federale, shteterorë dhe lokale ligjzbatuese, dhuna u fashit. Kapitoli është I sigurtë dhe puna e tij do të vazhdojë. Ne e dënojmë dhunën në mënyrën më të fortë të mundshme. Ne pikëllohemi për humbjen e jetës në këto salla të shenjta, dhe lëndimet e pësuara nga ata që mbrojtën Kapitolin tonë sot. Si demokratët edhe republikanët dënuan dhunën në Kongres por ndërsa demokratët fajësuan presidentin për nxitjen e saj, shumica e republikanëve nuk e përmendën atë. Vetë Trumpi deklaroi paskësaj se do të ketë një kalim të rregullt e të qetë të pushtetit. “Edhe pse jam totalisht kundër rezultatit të zgjedhjeve dhe faktet e dëshmojnë këtë gjë, në 20 janar, tranzicioni do të jetë I rregullt. E kam thënë gjithmonë se në do të vazhdojmë të luftojmë për tu siguruar që të numërohen vetëm votat e ligjshme. Edhe pse ky përfaqëson fundin e mandatit të parë më të madh në historinë presidenciale, ai është vetëm fillimi I luftës sonë për ta bërë Amerikën të madhe sërish”, tha Trump në një deklaratë të tij. Kreu i demokratëve në Senat, Chuck Schumer e hodhi mbi presidentin republikan përgjegjesine e ngjarjeve të së mërkurës, duke thënë se ato do të jenë një njollë për vendin, e cila nuk ka për tu zhdukur lehtë.