Agjencia e Mbikëqyrjes Policore për rajonin e Tiranës ka vijuar hetimet mbi personat e përfshirë në ngjarjen e datës 21 mars, ku u arrestua një efektivi i Operacionales Ervis Shkurta si dhe 3 shtetas të tjerë të përfshirë në trafikun e lëndëve narkotike. Pas kqyrjes së detajuar të komunikimeve telefonike mes tyre dhe personave të tjerë, deklarimeve të disa personave është bërë e mundur gjetja dhe kontrolli i një ambienti të përshtatur si Call Center, në pronësi të shtetasve M.H. i shpallur në kërkim dhe shtetasit Shkëlqim Ostreni, i ndodhur në rrugën “Idriz Guri” Tiranë, në të cilin ushtrohej aktiviteti i paligjshëm i mashtrimit me bursën FOREX. Shkëlqim Ostreni u arrestua së bashku me Eneo Sulejmani që ishte dhe kreu i bandës si dhe Igli Begajn.