Kanali televiziv britanik BBC World News është ndaluar të transmetohet në Kinë, nje vendim ky qw merret një javë pasi rregullatori i medias britanike i hoqi lejen e transmetimit televizionit shtetëror kinez.Në një deklaratë të lëshuar natën e Vitit të Ri Hënor, administrata kineze tha se nga një hetim doli se raportimet e BBC-së për Kinën në BBC World News kishin "shkelur rëndë" rregulloret, duke përfshirë atë që lajmet duhet të jenë "të vërteta dhe të drejta", kishin dëmtuar interesat kombëtare të Kinës dhe minuar unitetin kombëtar të saj.Prandaj, thuhet në njoftimin e Kinës, BBC World News nuk plotëson kërkesat për kanalet e huaja që transmetojnë në Kinë dhe kërkesa e saj për një vit tjetër transmetimesh nuk do të pranohet. BBC-ja u shpreh e zhgënjyer me vendimin e autoriteteve kineze.Ministri i Jashtëm britanik Dominic Raab tha të enjten se vendimi i Pekinit është i papranueshëm dhe dëmton imazhin e saj në botë."Kina ka disa nga kufizimet më të rënda mbi mediat dhe liritë e internetit në të gjithë globin, dhe ky hap i fundit nuk do të bëjë tjetër përveçse do të dëmtojë emrin e Kinës në sytë e botës," tha ai. Nw 4 shkurt, rregullatori i medias britanike Ofcom i hoqi lejen kanalit China Global Television Netëork (CGTN) për të transmetuar në Mbretërinë e Bashkuar pasi një hetim zbuloi se leja mbahej padrejtësisht në pronësi të Star China Media Ltd. Pamjet: AFP