Ideja e bojkotimit të seancave plenare nuk është mirëpritur nga të gjithë demokratët, pavarësisht se të gjithë ju bindën vendimmarrjes së partisë për të mos qënë pjesë e punimeve parlamentare për aq kohë sa kërkesat e revolucionit të flamingove nuk përfshihen në rendin e ditës. Në mesazhet e shkëmbyera në grupin e ëhatsapp të demokratëve, bie në sy se janë të paktën tre deputetë të cilët e vlerësojnë si lëvizje të gabuar bojkotimin e seancave plenare. Jorida Tabaku thotë se bojkoti heq të vetmen platformë publike për debat të opozitës. Tabaku: “Përshëndetje kolegë. Ne çdo rast unë mendoj që mospjesëmarrja na heq ne te vetmen platformë publike që ne kemi për debat! E kemi provuar shumë herë mosshkuarjen dhe i dimë pasojat! Ne duhet të përdorim cdo hapësirë që kemi për përballje! Nesër është një nga ditët ku raporton një sërë institucionesh dhe ka hapësirë për të gjitha temat që janë beteja të opozitës!” Në bisedat e zhvilluara më 12 korrik brenda grupit parlamentar të Partisë Demokratike, edhe deputetja Ina Zhupa shfaqet kundër bojkotit, pasi sipas saj nuk sjell asnjë të mirë për opozitarizmin.