Porosia e Taulant Ballës për prezencë të plotë në mbledhjen, ku do i jepej përgjigje kërkesës së SPAK për arrestimin e Belinda Ballukut, nuk u zbatua nga të gjithë ligjvënësit e majtë. Në takim ra në sy mungesa e socialistëve të vjetër, duke filluar nga Fatmir Xhafaj, arkitekti i reformës në drejtësi e deri tek zëri më kritik në radhët e të majtëve, Erion Braçe. Sipas informacioneve, Xhafaj nuk ndodhej në Shqipëri ditën kur u bë mbledhja, ndërkohë që sa i takon mungesës së Braçes nuk dihet nëse lidhet me raportin e PS për Ballukun apo me angazhime paralele që i pamundësuan pjesëmmarrjen në mbledhjen e grupit parlamentar. Kur kamerat u fikën, kryetari i grupit parlamentar, Taulant Balla hodhi paraprakisht në votim, raportin e pesë anëtarëve të shumicës parlamentare në këshillin e mandateve, ku i sugjerohej seancës të mos i jepet drita jeshile SPAK-ut për heqjen e lirisë së Belinda Ballukut. Por, a pati mes socialistëve votë kundër apo abstenim për rrëzimin e kërkesës të organit të akuzës? Efekteee momenti kur Elisa Spiropali hyn në kryesi dhe përshëndet kamerat Përgjigjen e kësaj pyetje e dha vetë kreu i grupit socialist gjatë intervsitës së tij në Top Story. Sinkron Duma: “A ka pasur dy vota abstenim?