I shoqëruar nga zëvendëspresidenti JD Vance, sekretari i mbrojtjes Pete Hegseth dhe sekretari i shtetit Marco Rubio, Trump tha në fjalimin e tij se sulmet e ardhshme do të jenë “shumë më të mëdha” nëse Irani nuk arrin një zgjidhje diplomatike. "Mbani mend, kanë mbetur shumë objektiva," tha ai. Disa anëtarë të Partisë Republikane të Trump kanë postuar deklarata në mbështetje të këtij veprimi. Senatori i Teksasit, Ted Cruz, "e përgëzoi" presidentin, administratën e tij dhe ushtrinë amerikane. Megjithatë, jo çdo republikan e duartrokiti sulmin. "Kjo nuk është lufta jonë", shkroi kongresmenja Marjorie Taylor Greene. Demokrati kryesor amerikan, Hakeem Jeffries, tha se Trump rrezikon "përfshirjen e SHBA-së në një luftë potencialisht katastrofike në Lindjen e Mesme", ndërsa të tjerë e kanë akuzuar atë se ka anashkaluar