Kërkesa e dy shoqatave të gjyqtarëve në Gjykatën Kushtetuese për rritjen e pagave ka marrë mbështetjen edhe nga Shoqata e Prokurorëve, që ka reaguar përmes një deklarate publike. dubel - Shoqata e Prokurorëve të Republikës së Shqipërisë u bashkohet qëndrimeve publike dhe kërkimeve të argumentuara tashmë në mënyrë shteruese nga shoqatat e gjyqtarëve përpara Gjykatës Kushtetuese. Theksojmë se çdo ndryshim ligjor që passjell regres në standardet e njohura më parë dhe ulje të pagave të magjistratëve, përbën cenim të garancive kushtetuese. Shoqata e Prokurorëve vlerëson se debatet publike për çështje që lidhen me sistemin e drejtësisë duhet të zhvillohen në mënyrë të përgjegjshme, të balancuar dhe me respekt për rolin kushtetues të magjistratëve. Çdo formë retorike që synon të kthejë opinionin publik kundër magjistratëve nuk i shërben forcimit të shtetit të së drejtës.