Mbretëresha Elizabetë është urdhëruar të mos pijë më alkool nga mjekët. Madhëria e saj, që ëhstë në gjendje të mirë fizike edhe pse është parë të përdor një shkop për të ecur në një dalje publike të saj në uells, kohët e fundit, është këshilluar të harrojë alkoolin me përjashtim të ndonjë rasti të vecantë. Burimet kanë nënvizuar se monarkja britanike është në shëndet të mirë dhe se ishte një vendim personal i saj ai për heqjen dorë nga alkooli. Mendohet se ajo do të jetë në formën më të mirë të mundshëm para festimeve të përvjetorit të saj të platintë, në qershor, kur edhe planifikon të vizitojë sa më shumë pjesë të vendit që do të mundet. Ajo ndërkohë ka edhe një axhendë shumë të ngjeshur aktivitetesh deri atëherë. Daily Mail, ka mësuar se vendimi i mbretëreshës nuk ëhstë marrë për shkak të këmbënguljes së mjekëve apo për një cështje të caktuar shëndetësore. Dhe se ajo me siguri do të kthejë ndonjë gëllënkë martini në raste speciale. Mbretëresha në fakt shihet rrallë të pijë alkool në publik, por sipas burimeve nga pallati, e preferuara e saj ëhstë shpesh një martini shqeto. 95 vjecarja besohet se pëlqen edhe ndonjë gotë verë të ëmbël gjatë darkës ndërsa një kushërirë e saj kishte thënë dikur se ajo pinte një gotë shampanjë para se të flinte.