Struga është një prej qyteteve më të frekuentuara gjatë muajve të verës në Maqedoninë e Veriut, kryesisht familjarë por edhe turistë të huaj të aventurës që kërkojnë t’u ikin temperaturave të larta. Megjithatë, shtimi i turistëve shqiptarë dhe të huaj ka shkaktuar shqetësim te banorët vendas, sidomos sa i takon veshjes me rroba plazhi në rrugët e qytetit të vogël. Për këtë ka ndërhyrë komuna e Strugës, që ka ndaluar shëtitjet me bikini dhe të shkurtëra plazhi gjatë gjithë ditës dhe në mbrëmje në shëtitoren qendrore të qytetit. Komuna fton të gjithë turistët, të cilët përdorin ujin e liqenit, apo ato të Drinit të Zi, që t’i respektojnë rregullat e mirësjelljes dhe të rendit publik, duke mos shfaqur lakuriqësi në sipërfaqe dhe hapësira publike. Në njoftim thuhet se vendimi synon që të ruajë imazhin pozitiv të qytetit të Strugës si destinacion turistik.