Një vizatim kundër luftës në Ukrainë i bërë nga një vajzë e vogël, i kushtoi babait të saj burgun në Rusi pak kohë më parë. Ai u lirua këtë të martë ndërsa tregoi se kushtet në burg janë të tmerrshme. Aleksei Moskalyov u shpreh i pasigurt për të ardhmnen pasi mund të dënohet sërish. Moskalyov u përqafua nga vajza e tij, Masha, kur doli nga burgu IK-6 në rajonin e Tulas, ku u mbajt 19 muaj në paraburgim për një çështje që tërhoqi vëmendje globale. Masha u vë nën kujdestarinë e nënës së saj të larguar gjatë kohës sa babai i saj ishte në burg, raporton Radio Evropa e Lirë. Gjykata e dënoi atë me dy vjet burg, për shkak të postimeve të tij të hapura në internet kundër pushtimit të Ukrainës nga Rusia, të cilat dolën në sipërfaqe pasi vizatimi i vajzës së tij u raportua tek autoritetet. Vizatimi i saj, i bërë në prill 2022, përshkruante një grua ukrainase që mbronte një fëmijë nga raketat ruse, me mbishkrime si, “Lavdi Ukrainës!” dhe “Jo luftës!”