Qytetarët e Kosovës po përballen që nga viti 2021, me rritjen e cmimeve dhe sipas të dhënave zyrtare, gjatë muajit janar, cmimi i shportës familjare ka vijuar të rritet. Ekspertët vlerësojnë se sipas parashikimeve, shkalla e inflacionit këtë vit pritet të jetë në kosovë 3 për qind dhe kjo ka bërë që qytetarët të ngrenë zërin dhe të ankohen se nuk po munden t’ia dalin mbanë me pagat aktuale. Sipas tyre, paga minimale, në mënyrë që të mbulohen nevojat elementare, duhet të jetë 400 euro.